منتديات ميثاق الوفا
هَـلآإ يَـآلحَبيبْ
مَـآ ودَك تِنَآإسبنَـآ بَس بدُون مهُـر

إِذَآ وِدَك تنَآسبنَـآإ لآ تِنسَى تِجيب آبُـوك آقصِد آضغَط عَلى كَلمة تَسجيل
وُتـرى بنعطِيك 5 كَـرآتِين مندِيل مَجـآنَـآإ




 
الرئيسيةالبوابةاليوميةس .و .جبحـثالتسجيلدخول
المواضيع الأخيرة
» أي الإسمين أحلى .؟
السبت سبتمبر 10, 2011 10:20 am من طرف روــــ طفلة ــــح

» مشكلة غريبة :(
السبت سبتمبر 10, 2011 10:17 am من طرف روــــ طفلة ــــح

» Doή‘t Ştop Mύşic ♬♪♩/ صور منوعه للتصميم . .
السبت سبتمبر 10, 2011 10:16 am من طرف روــــ طفلة ــــح

» المرأة السعودية خطييييييييره يابخت من تكون سعوديه وكل الفخر^_* !!‎
السبت سبتمبر 10, 2011 10:11 am من طرف روــــ طفلة ــــح

» طلب اعلان لمنتدى مملكة القمر دليلك لاشهار منتداك
الثلاثاء أغسطس 09, 2011 6:31 am من طرف الملكة ايمى

» ممكن مساعده حبايبي
الثلاثاء يوليو 26, 2011 2:21 pm من طرف زائر

» طلب استايل لو سمحتو
الجمعة يونيو 24, 2011 6:28 am من طرف احلى انوثه

» اذا سمحتوا ادخلوا بليز
الأحد مايو 29, 2011 11:12 am من طرف انغام العشق

» السلام عليكم
الخميس أبريل 28, 2011 4:58 am من طرف мόjяd έ7śąs

» شاب يتحدى الله
الإثنين أبريل 25, 2011 3:10 pm من طرف بقايا حلم

» 3 قصص مؤلمة ويجب اخذها للعبرة
الإثنين أبريل 25, 2011 3:06 pm من طرف بقايا حلم

» حوار بين بنت وولد
الإثنين أبريل 25, 2011 3:00 pm من طرف إينيوشا

» ممكن طلب..اذا ماعليكم كلافه ..ممكن ..استايل..؟
الأربعاء أبريل 06, 2011 4:44 am من طرف زائر

» لا يفوتكـــ... ادخلوا
الجمعة فبراير 18, 2011 1:38 am من طرف انغام العشق

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
احصائيات
هذا المنتدى يتوفر على 153 عُضو.
آخر عُضو مُسجل هو ام دانه فمرحباً به.

أعضاؤنا قدموا 2619 مساهمة في هذا المنتدى في 451 موضوع
التبادل الاعلاني
احداث منتدى مجاني
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 17 بتاريخ الأحد سبتمبر 10, 2017 9:48 am

شاطر | 
 

 اكشن .. مغامرات .. رومانسيهـ .. قصة حقيقية ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashwag2010
ميثآق نششيطوون
ميثآق نششيطوون
avatar

انثى
المشاركات : 116
العمر : 22
السمعة : 0
نقاط : 11180
تاريخ التسجيل : 11/06/2010

مُساهمةموضوع: اكشن .. مغامرات .. رومانسيهـ .. قصة حقيقية ...   الجمعة يونيو 18, 2010 10:20 pm

السلام عليكم و رحمة الله و بركاتهـ

شو اخباركم ان شاء الله منيحين


اليوم جايبه لكم قصتي و تراها حقيقيه و لا بطولها بالبدايه


طبعا محد يدري بتفاصيل القصه كلها الا اعز صديقاتي و اعضاء المنتدى هذا بس


تقدروا تقولوا ان القصه فيها نوع من الرومانسيه و الاكشن و الهواش ايضا



نبدأ

طبعا القصه طويله شوي و بتكون مقسمه على فصول


بس اول شي بقوله اني ما احلل ولا احد يدخل يقرى هالقصه و يسرقها لمنتدى ثاني


والله ما احلله




الفصل الأول



في تاريخ 29/8/2006يوافق يوم الثلاثاء قدر الله و دخلت المستشفى و جلست فيه تقريبا 3 اسابيع


ما علينا

طبعا دخلوني العنايه المركزه جلست تقريبا فيها 4 ايام و بعدين طلعت غرفه خاصه بطلب مني لأني ما ارتحت لجو العنايه ابد الله يكفيكم شره لأنه جو موت بصراحه بس بعد طلوع الروح خلوني اطلع لغرفه خاصه .


نظام المستشفى ما يسمح بالمرافق في القسم اللي انا متنومه فيه لنه عدوى و جلست هذاك الوقت متنومه لحالي .

في الاسبوع الثالث من جلستي في المستشفى كان يوم الأحد تاريخ 17/9/2006 الساعه 3 الفجر حسيت بتعب شديد جدا في المعده, ناديت النيرس و قلت لها انا تعبانه قالت الدكتور بعيد شوي ما بيجي للقسم هنا الا بعد ساعه قلت حلوه ذي يعني اموت ؟

انا طنشت الوضع و كنت ابغى حبوب مسكنه و رحت لهم بالكاونتر قالو لي ماعندنا هنا لو تبغين انزلي صيدلية الطوارئ و بيعطوك.

انا قعدت العن و اسب في مستشفى خايس زي كذا يعني وش فايدتهم .

المهم نزلت للصيدليه و وقفت عند شباكها و ناديت اللي موجود فيها, طبعا هو باين انه لحاله فقط و قلت له انا ابغى مسكن قام قال وين وصفتك قلت له لا انا منومه بالمستشفى قام قال معليش اختي مانصرف الادويه الا بوصفه طبيه و تقدرين تاخذين مسكن من الممرضات بالقسم قلت له قالوا ماعندنا انزلي انتي خذي و انا ابغى دواء لا وصفي زي البندول ( يعطى من دون وصفه ) قام قال للأسف هذا الكلام بالصيدليات الخاصه اما عندنا هنا الوضع يختلف , قمت قلت له يعني اموت من الوجع ؟
قام رد علي رد جدآ مو في مستوى صيدلاني ابد , تخيلوا قال : اوووف لا تطفشيني ماعندنا ادويه خلاص .


انا انصدمت وقتها و قلت له الشرهه على اللي وظفك هنا وهين والله اوريك ..

و رجعت غرفتي و فيني العبره و الوجع مازال في ازدياد, حاولت ارقد ماقدرت الالم ماخلاني في حالي الين ماسمعت حس وحده ممرضه سعوديه حبوبه نوعا ما جايه تسحب مني عينة دم و كانت الساعه تقريبا 5 الفجر و لما دخلت علي و شافتني اصيح من الالم قالت وش فيك قلت لها وربي ماترحمون احد لي ساعتين تعبانه و طلعت اقول للشله اللي برى و لكن محد مبالي .

ماقصرت طلبت لي الدكتور و ماجا ذا النايم الا بعد نص ساعه و بعد ماسوا الفحوصات قال لي عادي يمكن من الادويه اللي تاخذينها و بسيط الوضع.

انا مقهوره من هالصيدلاني اللي اسلوبه بثر كذا و قلت في نفسي و ربي ما اخليه و لحقت الممرضه هذي و سألتها مين الصيدلاني المناوب بالطوارئ قالت لي معرف مين المناوب اصلا قلت تكفين جيبيلي اسمه بأي طريقه قالت طيب بتصل عالصيدليه اشوف لك و ماقصرت عرفت منهو و قالت لي فلان بن فلان الفلاني << بعدي والله هالممرضه :sh (7):

المهم سألتني قالت جاني فضول ليش سألتي عن اسمه قلت لا بس حصل موقف بسيط و بأدبه شوي .

اللي عجبني فيها انها ماتلقفت و سألتني وش هالموقف .

المهم جا الدكتور حق المناوبه الصباحيه و قال لي بتطلعين بكره ان شاء الله قلت له الله يبشرك بالخير كويس .

لما انتهت الزياره و بديت الم قشي تقريبا الين الساعه 12 ونص الليل الا و اسمع احد يطق علي الباب

انا قلت غريبه مو من عوايد الممرضات بس قلت اكيد انها حق النظافه تبي تغسل الحمام الله يكرمكم.

رحت افتح الباب الا اشوف واحد مرتز قدامي لابس بالطو قمت على طول سكرت الباب بوجهه قلت وش ذا الدكتور اللي بيجي من دون ممرضه ؟؟

لبست عبايتي و فتحت الباب قلت امر يا دكتور الا اشوف وجهه مو غريب علي قام قال انا اسف على موقف امس و مو قصدي والله ..


انا حسيت اني اضرب اخماس في اسداس ؟؟

قلت له : يعني انا ما ادري مكلف على نفسك و جاي تعتذر و حتى لو اعتذرت انا ماراح اقبل الاعنذار لنك ماتهمني ولا بيني و بينك اي عمل ولا صفقه يالله مع السلامه .

قام قاطعني و قال لحظه طيب خليني اشرح لك ظروفي .. قلت له والله ما ابي ظروف ولا رسايل و بعدين بيني و بينك ما الومك مناوب في شفت السهره و عايف حياتك يعني هاوش وقت ماتبي تهاوش عادي ترى الهواش مسموح .. يعني لو سمحت خليني في حالي و لا تخاف انا ما بفضحك بالمستشفى بين اخوياك ولا بشتكي عليك و بقول فلان بن فلان الفلاني هاوشني .. الا قاطعني و قال و بعد عرفتي اسمي قلت له اكيد لأني بعرف اتصرف معاك بطريقتي الخاصه و بعدين وش عرفك اني انا متنومه بالقسم هذا شكلك تتبعتني قام قال سألتي سؤال و جاوبتي اجابه صحيحه انا اعترفت اني غلطان و كنت بعتذر لك امس بس كنتي طايره و انتي تمشين و انا طاير وراك و حسيت ان المناوبين قاموا يناظروني و هديت في سرعتي الين شفتك دخلتي الاصنصير و قعدت اراقب الاصنصير الين وقف في الدور 2 و عرفت انك بهالقسم و و بطريقتي الخاصه عرفت غرفتك :sh (155):

قلت له ماشاء الله تتبعني بعد قال وش اسوي حبيت اعتذر .

قمت قلت له ما حصل الا خير و لوسمحت انا تعبانه و ابغى انام مع السلامه طخ << سكرت الباب بوجهه هع :sh (7):
و بعدها نمت.


صحيت بعدها على الممرضه الساعه 5 الفجر و هي نفسها السعوديه و جايه تسحب مني دم طبعا قلت لها ليش تسحبين مني دم انا بطلع اليوم قالت عادي الاحتياط واجب بس بنشوف كم نسبة الاكسجين عندك بالدم . بعد ماسحبت مني الدم سألتني اعتذر لك فلان ؟؟

قلت هاه اي فلان

قالت الصيدلاني ؟؟


قلت لها و انتي وش دراك ؟؟ قالت لي تبين الصراحه قلت ايوه قالت جاني بالليل بداية الدوام و قالي امس جتني وحده من قسمكم هذا كانت تبي دواء تعرفينها ؟؟

قالت له لا بس وحده سألتني عن اسمك و قلت لها .. وسألتها عن السبب قالت لي موقف صار.. قال منهي ؟؟ قالت له اسمها كذا كذا بالغرفه الفلانيه .. قال لها ايه بصراحه انا جاي اعتذر لها قالت قلت له الله يوفقك ( ياحبي لها ولا سألته وش الموقف بعدي والله ماتحب اللقافه )

قلت لها ولا سألتيه وش الموقف قالت لا والله ما حبيت اتدخل المهم حكيتها على اللي صار قالت لي اوووف فلان يطلع منه كذا غريبه انا والله اعرفه لما كنت اناوب بالطوارئ والله مافي منه.

المهم قلت لها اصلا هزاته قالت لي حرام عليك تراه طيوب مره قلت لها اي طيوب الله يجزاك خير و الله اسلوبه معاي اخوي الكبير ماسواه معاي يجي هو يسويه معاي كش مالت عليه .. قالت معاكي حق اسلوبه ماله داعي و روقي و افرحي بتطلعين اليوم و ماعليكي .. قلت لها اكيد بروق بس والله لأوريه . قالت وش بتسوين قلت لها بخليه يسهر الليل و النهار و يشوف


بعد ماطلعت قمت و صحصحت و صليت الفجر و رجعت انام الين الساعه 7 .. جابو الفطور الخايس الله يكرم النعمه و افطرت و جا الدكتور و عينت من الله خير و قعدت استني لحظة خروجي من هالسجن الكئيب بفارغ الصبر ..

طبعا الدكتور قال لي مافي خروج قبل الساعه 11 الصباح قلت له مو مشكله اهم شي اطلع و بلغت اهلي بهالكلام طبعا ..


كان معاي اللاب توب يسليني و جلست العب سوليتير الا فجاه تدخل علي الممرضه الساعه 10 تقريبا و معاها صندوق حلاوه من باتشي ؟؟؟؟؟؟؟

حطته و طلعت ولا قالت لي اي شي .. انا جلست اناديها هيه انتي تعالي وش ذا .؟؟ انا قلت مستحيل انه يكون لي يمكنها غلطانه ؟

رحت اشوفه الا معاه كرت مكتوب فيه ( المسامح كريم و انتي كريمه و احنا نستاهل و هذي هديه متواضعه و الف سلامه عليكي و تقبلي تحياتي ,, فلان الفلاني ):sh (12):



انا طار مني الشرر و قلت هذا يستخف دمه معاي ..

طلعت للقسم و انا معصبه ابي اشوف وش السالفه و طبعا اللي جابته واضح انها مو من قسمنا لأن ملابسها غير ..


قلت في نفسي انا لازم اسوي فيه جريمه و شلت هم امي بتسألني و بتقول من وين لك ذا الصندوق لأنهم كل يوم يشيلون من عندي الهدايا يعني واضح ان هذي جديده و ماجت الا بعد ماراحو امس ...


قلت ما في اني اقول لها صديقتي جتني الصباح عالسريع .. و فعلا وصلو اهلي و طلعت من المستشفى الحمدلله و سألتني بالسياره من مين هالحلاوى و قلت لها من صديقتي جتني قبل ماتجون .




الفصل الأول انتهى


يتبع يا حلوين


بررررب فيه دوريه بحارتنا بشوف وش يسوون
الرجوع الى أعلى الصفحة اذهب الى الأسفل
ashwag2010
ميثآق نششيطوون
ميثآق نششيطوون
avatar

انثى
المشاركات : 116
العمر : 22
السمعة : 0
نقاط : 11180
تاريخ التسجيل : 11/06/2010

مُساهمةموضوع: رد: اكشن .. مغامرات .. رومانسيهـ .. قصة حقيقية ...   الجمعة يونيو 18, 2010 10:21 pm

صلت البيت الحمدلله و اهلي سووا لي عزيمه بهذي المناسبه السعيده ..

مر شهر على خروجي من المستشفى الكئيب ..

و تحدد لي موعد مراجعه و انا كنت حاطه في بالي اني ما اروح بس امي اصررت علي اروح عشان تبي تطمن على صحتي ..

جا يوم الموعد و هو يوم الاحداث العالمي .. دخلت المستشفى و خلصت موعدي على خير و صرفولي دواء

سألت النيرس قلت من اي صيدليه قالت حق الاوت بيشن ( العيادات ) قلت في نفسي اشوى مابشوف خشته بعدين قعدت اقول بنفسي حتى لو من صيدلية الطوارئ ما اتوقع انه مداوم الحين اكيد دوامه مسائي << ماهي داريه ان الشفتات تتغير

توجهت لصيدلية العيادات و ليتني لم اتوجه اتفاجأ بعد وقوفي عالشباك نفس الخشه اللي تهاوشت معها س هالمره بثوب و شماغ

قعدت برهه من الزمن اناظر فيه و هو منهبل يستناني اعطيه الوصفه وقاعده اشوف وراه 3 جالسين قال امري ياختي قلت لو سمحت نادلي واحد من هذولا .. ناظر فيني بتعجب و قال ليش في شي انا المسئول هنا ( عشتو )

قلت له مسئول ولا مو مسئول نادلي واحد منهم ..

قال طيب ابشري و نادا واحد و صرف لي الدواء بكل سلام ولما خلص قال بس يعني سؤال ممكن قلت تفضل قال ليش ناديتني قلت انا ماناديتك انت انا قلت لهذا اللي مدري شسمه واقف هناك ناديلي واحد من هالثلاثه الجالسين لأن اللي ابيه يصرف لي الدواء رجال و يعرف يحترم المرضى مو يجلس ينافخ فيهم.. واضح كلامي ولا اوضحه قال ايوه واضح قلت طيب شكرا

مشيت من عند الشباك و انا بطريقي طلعت جوالي اتصل عالسواق يقرب عند الباب الا اسمع صوت واحد يقول لو سمحتي لو سمحتي التفت الا الاقيه هو .. قال ياختي مو حلوه اللي سويتيها فيني قدام الرجال جا يقولي انك قلت عني مو رجال

قلت له اكسكيوزمي .. انا قلت عنك مو رجال يووووه لالالا مايصير هالكلام( قلتها باستهزاء )

الظاهر يبغى لخويك هذا منظف اذاني انا قلت له ابي رجال محترم بس ماقلت انت مو رجال قام قال يعني انا مو محترم قلت شوف انت صرخت في وجهي بالله هذا يسمي احترام ؟؟؟

قال انا اعتذرت لك قلت اوكي اعتذرت لي خلاص انا كيفي اقبل عذرك او ما اقبله انا حره اهم شي انك سويت اللي عليك ..

وبعدين اسلوبك ابد مو اسلوب واحد صيدلي انت ماعلموك بالجامعه اخلاقيات الصيدلي ولا ايش ؟؟

قام قال انتي وش عرفك بمواد الصيدله قلت اي ام أ فارمسيست I am a pharmacist

قال ماشاء الله صيدلانيه قلت هذا مو شغلك مرره مو شغلك و رجاء وخر عن طريقي ..


قال و الهديه ما خلتكي تاخذين عني صوره كويسه ..

قلت له اووبس اي هديه

قال ماوصلك شي مني ؟؟ قلت الا الا يوووه صح بس تركتها بالغرفه ماتهمني يعني .. شوف يارجال يا محترم انا خايفه على سمعتك بالمستشفى يشوفونك الحين واقف معاي و يقولون واقف مع وحده و انا سمعتي ماراح يصير فيها شي لأني مو من الستاف و مو معروف انا بنت مين الله يستر عليك ارجع محلك ..

مشيت و تركته ..

ركبت السياره و انا افكر في مكيده اسويها فيه و مو عارفه وش اسوي ..

و انا ماشيه بالطريق اتذكر اني مارحت اسوي موعد جديد .. قلت خلاص ابوهم لا ابو مواعيدهم بالطقاق ماراح ارجع ..

انقطعت عن المستشفى تماما و لهيت بالدراسه و في يوم من الايام في محاضرة علم التشريح
كنا منسجمين مع الدكتور الا يدق على جوالي رقم غريب .. طنشته وحولته سايلنت و كملت الحماس ..

لما انتهت المحاضره و اشوف الجوال الا الاقي 3 مكالمات و مسج .. افتحهم الا اشوفهم من نفس الرقم لما فتحت المسج كان مكتوب فيها والله ما اكذب عليكم ( انتي لي عارفه وش معنى لي ومحد راح ياخذك مني والله ماراح اخليك )

قلت هذا مهوي و طنشته .. بعد فتره رجع يتصل رديت و قعدت ساكته و هو ساكت قلت الو قال الو قلت نعم قال نعم انا سكت فتره بعدين سكرت الجوال .. و صار يتصل و يتصل و كسر جوالي اتصالات و انا لا مبالي الين ما طلعت من الجامعه و كان اخوي اللي مار ياخذني و اتصل انا معاه بالسياره قلت لأخوي شف ذا مدري وش قصته .. رد عليه و لما سمع ان رجال اللي رد عليه سكر الخط .. قال اخوي وش سالفته قلت له انه ارسل لي كذا و كذا قال خلاص ارسلي رقمه بتصرف معاه ..

لما وصلت البيت ارسل مسج مكتوب فيها ( تخلين رجال يرد علي .. يعني انتي خايفه تواجهيني )

المشكله ان محد يتحداني ابد ابد لما شفت انه كاتب ( خايفه ) قلت هين و اتصل عليه و يعطيني بيزي شوي الا رجع يتصل و رديت قال السلام عليكم قلت نعم قال ردي السلام قلت و عليكم قال اممممم مدري وش اقول انا قعدت ساكته و هو ساااكت قلت نعم وش المواجهه هذي ان شاء الله قال طيب ماعرفتيني قلت لا طبعا قال انا فلان قلت فلان مين قال فلان الفلاني قلت اهاااا خير يا طير مين سمح لك تتصل علي و من وين لك رقمي ؟؟ قال طلعته من الملف مو صعب بس حبيت اشوف وش اللي حارق رزك علي قلت له يا جعلي احرقك قول امين اقسم بربي لو رجعت تتصل على هالرقم مره ثانيه و ربي لأوديك في داهيه انت فاهم يعني بنات الناس مو لعبه بيدينك يا واطي و قفلت الجوال بوجهه .. و بعدها بشوي يرسل مسج كاتب فيها ( اوعدك وعد ماراح اتصل ولا ازعج و لا شي بس ابيك تكونين راضيه عني ما ادري يمكن اموت و انتي مو مسامحتني .. استودعك الله و انا اسف و انتبهي على نفسك مع السلامه)

مارديت عليه طبعا طنشته .. و رحت قلت لأخوي انه اتصل و طلع غلطان .. و انتهت السالفه من عند اخوي بس من عندي ما انتهت ..
فكرت اطفشه عالجوال و اخليه يعيف حياته ..كانت عند ولد اخوي شريحه من دون اسم و سرقتها منه و قلت في نفسي هين و الله اوريه ..

بعد اسبوع تقريبا بديت العب خطتي .. شحنت الشريحه ب 100 ريال و صرت اقلقه اتصالات و رسايل غراميه و هو كل ما اتصل اعطيه بيزي و كل شوي ارسل له رساله شكل مره هياط مره عتب مره رومانسيه مره كلام اسنهبالي ومره تهديد

لدرجة انه ارسل لي رساله يسب و يلعن فيها يعني اهم شي اطلع ريحته

ماخليته في حاله بعد صرت ارسل رقمه بلوتوث بس عشان يطفشونه

جتني فترة اختبارات و سكون و كنت سهرانه اذاكر بالليل الا تجيني مسج مكتوب فيها ( الله لا يوفقك لا في حياتك ولا دراستك ان كنت تدرس وحسبي الله عليك كانك سبب المشاكل لي يا جعلك ما تتهنى بحياتك يارب )

انا جتني شبه سكته .. خفت اني ما احل في الاختبار .. ياربي وش اسوي ..

قلت في نفسي بعترف له و بالطقاق مايقدر يسويلي شي بس اخاف يردها فيني و يلعب على جوالي الثاني ياربي وش اسوي ياربي ياربي

رحت الاختبار مواصله مانمت من التفكير و الخوف .. دخلت قاعة الاختبار و انا افكر في دعوته علي و ادعي ربي يارب وفقني يارب ..

قعدنا نستنى الاسئله تجي لكن للأسف طلعونا نص ساعه ثانيه الين تجي حضرة اسئلتهم ..

كنت خايفه اني ما احل و السبب دعوته .. قلت مالي الا اتصل عليه و استسمح منه

اتصلت و رد علي و هو معصب و قال الله لا يردك وش تبغى قلت الو فلان سامحني هذي انا

سكت وقال حسبي الله عليكي ليش سويتي كذا وش سويت لك عشاني زعرت فيك سويتي فيني كذا تدرين اني بغيت اتذابح انا و واحد داق علي يقول رقمك جاني بلوتوث قلت له وش اسوي لك قال وشوله ترسل رقمك لبنات خلق الله مو عيب عليك قلت له انا و الله ما ارسلت قال لا تكذب مين بيرسله غيرك .. بالله انتي موزعه رقمي بلوتوث ؟؟

انا خنقتني العبره قلت ايه سامحني انا مستعجله الحين بدخل الاختبار بس دعوتك امس دودهتني قال احسن عشان تتأدبين قلت سامحني قال الله ياخذك مسامحك قلت و تدعي علي ليش خلاص اسحب الدعوه خليني ادخل الاختبار و انا متطمنه

قال خلاص انقلعي بس شايل عليك بقلبي قلت لا تشيل ولا اشيل خلاص انتهى اللي بيننا ووعد مني بمسح رقمك و انت بعد امسح رقمي و الله يستر عليك مع السلامه .

مسحت رقمه و بعدها ما اتصل ولا جا منه اي خبر .. و قلت الحمدلله الله فكني منه ونسيت الموضوع ..

بعد فتره يمكن شهرين من هذا الحدث قدر الله على خالتي تسوي قسطرة بالقلب بنفس المستشفى و رحنا نزورها ..

من محاسن الصدف اني شفت الممرضه السعوديه هذيك كانت جايه تسلم على خويتها بقسم القلب بعد مارجعت من اجازة الامومه

اول مادخلنا قسم القلب رحت للكاونتر اسأل وين الغرفه اللي رقمها كذا و سبحان الله سألتها هي بالذات قالت لي والله مدري انا مو من هالقسم بس انتي تتبعي ارقام الغرف و بتعرفينها قمت قلت لو سمحتي كأني اعرفك قالت غريبه وين قلت لها انا كنت متنومه قبل 6 شهور تقريبا بالمستشفى قالت اي كاني اذكر وحده صوتها زيك انتي فلانه قلت ايه قالت هلااا مو معقول و سلمت عليها وقلت وش جابك هنا قالت اسلم على وحده توها راجعه من النفاس قلت اها خلاص بروح و برجع لك بس خلي اودي الوالده عند خالتي و اجلس معاها و برجع لك بإذن الله قالت اوك تعالي القسم حقنا قلت يوه الظاهر بعيد من هنا قالت خلاص اجل خذي رقمي اكلمك احسن ناخذ اخبار بعض قلت اوكي مو مشكله و اخذنا ارقام بعض و كلن راح في سبيله ..

لما رجعت من المستشفى اتصلت عليها و اخذت اخبارها و جبنا طاري الصيدلي بس ما قلت لها عن اللي صار بيننا ابد .. قالت ايه فلان مسكين من زمان ما يداوم قلت لها ليش قالت سوى حادث tears


انا قلت وشووووووووووو tears من جدك تتكلمين قالت اي والله يمكن له شهرين و مسكين عنده كسر في كذا منطقه بجسمه و بعدها معاد ادري عنه وش صار tears انا قعدت ساكته قلت لها حسبي الله على ابليسك عورتيلي قلبي ( و اي تعويره )

بعد ماقالت لي هالخبر ماصرت معاها بالحكي ابد و قلت لها معليش انا بروح اتعشى قالت لا عادي خذي راحتك حتى انا بروح اكل توني جايه من الدوام قلت خلاص اكلمك بوقت ثاني باي ...



اااااااااه مرت علي ليله قعدت اصييييييييح ..

ماداومت بالجامعه اليوم اللي بعده و مزاجي صار كله متعكر و امي استغربت ليش ماداومت و مسويه اكشن بالبيت
و انا مقهوره اصلا ابي اوصل له عالاقل لو ارسل له مسج اتحمدله بالسلامه بس للأسف مسحت رقمه ..

الليله الثانيه احاول انام بس برضه ماقدرت من التفكير قلت مالي الا اتصل عليها اخذ رقمه بس قعدت افكر اقول ياربي هل تصرفي هذا صحيح ولا لا ؟

بعدها قلت بالطقاق و اللي يصير يصير

اتصلت عليها و الحمدلله انها ردت و قلت لها على طول بالعربي تقدرين تجيبن رقم فلان ؟؟ قالت احلى وش تبغين فيه قلت ابد بقولك شي صار بيننا و قلت لها انه اتصل و بعدين رجعت لعبت عليه و هبلت فيه قالت اوف مو صاحي و لنتي بعد مو صاحيه و بعدين انتي لو تشكينه راح فيها قلت انا ما ابغى اقطع رزقه بس تكفين عطيني رقمه و انا اثق فيك ياختي قالت خلاص ابشري بحاول اجيبه لك على بكره قلت يوه وش يصبرني الى بكره تكفين ما اقدر حاولي الحين قالت خلاص بتصل على الطوارئ بالمستشفى و بسألهم و بكلمك قلت اوكي انتظرك ..

قعدت احسب لها 5 دقايق وربي كأنها 5 سنين و اخيرا اتصلت و قالت لي دبرته لك بس يقولون انه مايرد ابد ابد لا على اتصالات ولا مسجات قلت لها انا ما ابيه يرد بس انا حاسه بالذنب اني مشكلته مع الخلق قالت لهالدرجه شايله همه قلت ايييييييه و زياده صحيح تصرفه لما اتصل علي ماله داعي بس خلاص عطيته حقه فيه قالت خلاص و علميني بالمستجدات قلت اووك مو مشكله ..

كانت الساعه 11 ونص لما سكرت منها و قلت خليني برسل له مسج اتحمدله بالسلامه و فعلا ارسلت له ( الحمدلله على السلامه يا فلان و تراني راضيه عليك و مسامحتك والله ماني شايله بقلبي شي عليك وانت اهم شي انك مسامحني و اسفين عالازعاج )

والله مامرت نص دقيقه الا يرن جوالي رقمه .. انا انهبلت قلت مسرع ما قراها وبعدين هذا يدل ان رقمي مخزن عنده ولا ماكان اتصل بهالسرعه .. اللي حصل اني مارديت عليه رجع ارسل الله يسلمك و ليش ماتردين ؟؟ رجعت ارسلت له( هدفي و مغزاي مسج واحد بس لا اتصالات ولا مكالمات كافي اللي صار و اهم شي اني قلت لك اني راضيه عليك وانت راضي علي و على فكره ترى هديتك هذيك ما خليتها بالغرفه للحين الصندوق عندي يالله انتبه على نفسك و مع السلامه ) ..

رجع ارسل ( يعني تكذبين علي اهااا منك بس و تلوميني يا دبه وبعدين ليش ماجبتيلي انا هديه دام اني متكسر ):sh (9):

رديت عليه ( ابشر وش تبي و انا برسلها لك )

رجع رد ( ابي سلامتك بس ياريت تردين علي لأني ابيك بموضوع )

رديت ( اوكي بس مو الحين الوقت متأخر خلها بكره الصباح ماعندي دوام و اذا فضيت بكلمك )

رد ( يمكن اكون نايم بس مو مشكله صحيني انظم نومي احسن لأني برجع اداوم السبت )

رديت ( ابشر بس توعدني من الحين انك تكلمني بس بكره و تقولي عن الموضوع هذا و بس )

رد ( لا لا لا ماراح اوعدك لأني متأكد من بكره انك بتكونين لي و بس )

رديت ( شكل يبغالك درس ماعمرك تنساه بحياتك يالله تصبح على خير )

رد ( يعني كفايه الدروس اللي سويتيها فيني و انتي من اهله )


مانمت هذيك الليله بدري استنى الصباح يجي عشان اتصل عليه و اعرف اللي في باله .. عايرت ساعتي و بالقوه نمت و ماصحيت الا على المنبه يطنطن .. كانت الساعه 10 وانا ماصحيت الا بس عشانه .. قمت ا افطرت عالسريع و اتصلت عليه و لكن للأسف لقيت جواله مقفل .. انقهرت نوعا ما و جلست الين الساعه 11 الا اتصل علي .. قلت اخيرا و رديت عليه و جدا كنت معاه رسميه و اكثر بعد .. قال معليش جوالي طفا شحنه و امي جت تصحيني تعطيني الدوا و اتفاجا انه مقفل سامحيني .. قلت لا عادي و الله يعطيها العافيه وبعدين وش الموضوع هذا .. قام قال اول شي انتي مخطوبه قلت لا قال طيب تقدرين تدورين لي على عروسه


انا ضحكت و قلت الاخ شايفني خطابه قال لا بس بصراحه ماصرت اثق بذوق امي دايم تخطب لي شيون و هالمره قلت لها خلاص انا بخطب لنفسي و اتوقع اني لقيت اللي في بالي .. قلت له طيب وشوله اخطب لك دام لقيت .. قال بس اخاف اهلها ما يوافقون او هي ماتوافق ابيك تساعديني .. قلت له احرجتني يعني شلون اقنعها قال بسيطه تقدرين توقفين قدام المرايه و تسألينها ..!!!

قعدنا فتره ساكتين قال الو قلت ايه معاك قال اتوقع انك فهمتيها انا والله ماني حق لعب ولا ني فاضي له انا رجال امشي سيده في كل الامور و اتمنى منك تفكرين بالموضوع بجد و اذا لقيت منك جواب طيب يجي دور الوالده بالموضوع اما اذا كان جواب مش حالك الزواج قسمه و نصيب و انا بصراحه حسيت انك تناسبيني جدا سواء في مجالنا او في الاعمار و كل شي .. قلت له تعرف كم عمري قال اعرف عنك كل شي اطلعت على ملفك و عرفت كل شي بس ابي منك جواب ..

قلت له احرجتني بصراحه بس قال لا بس ولا شي قوليلي الحين انتي موافقه ولا لا ؟؟؟؟؟

يوه ذيك اللحظه ودي تنشق الارض و تبلعني قلت مقدر ارد عليك الحين انا بروح اساعد امي بالغداء <<< تبي تسوي نفسها ذربه هع

قال طيب براحتك بس بليز من جد انتظر ردك ..

قلت اوكي

سكرنا الجوال و قلت هذا اكيد لعاب 100 % و لا وش هذا اللي بيتصرف هالتصرف ..

مر هذاك اليوم ولا اتصلت عليه ولا حتى ارسلت مسج ...


الى هنا و اوقف خخخخخخ ادري انكم بتتحمسون بس بروح افطر و انام



تتوقعون وش صار خخخخخخخخخخخ
الرجوع الى أعلى الصفحة اذهب الى الأسفل
انغام العشق
متحكم
متحكم
avatar

انثى
المشاركات : 491
العمر : 22
السمعة : 15
نقاط : 112199
تاريخ التسجيل : 08/03/2009

مُساهمةموضوع: رد: اكشن .. مغامرات .. رومانسيهـ .. قصة حقيقية ...   الجمعة يوليو 02, 2010 5:49 pm

وااااااااااااااااااااااااااااو
صراااااااااحة حماااااااااااااااااااس
تحمسسسست حد الدعسسسسة
بسرعة كمليها اشوووااق

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://forum.ahlamoontada.com
ريمــــاس
ميثآق برونزي
ميثآق برونزي
avatar

انثى
المشاركات : 259
العمر : 21
السمعة : 0
نقاط : 11199
تاريخ التسجيل : 03/07/2010

مُساهمةموضوع: رد: اكشن .. مغامرات .. رومانسيهـ .. قصة حقيقية ...   الخميس يوليو 29, 2010 9:00 am

شكرا لك اشواق
عن جد حماس واكشن
الرجوع الى أعلى الصفحة اذهب الى الأسفل
 
اكشن .. مغامرات .. رومانسيهـ .. قصة حقيقية ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ميثاق الوفا :: المنتديات الأدبية :: • كان ياما كان •-
انتقل الى: